झापा– नेपाल विद्युत प्राधिकरणमार्फत हाईटेन्सन लाईन विस्तार गर्न लागिएको भन्दै झापाको कमल गाउँपालिकाका स्थानीयले जनप्रतिनिधिको ध्यानाकर्षण गराएका छन् ।

झापाको कमल–५ देखि गौरादह सम्म काबेली करिडोर मार्फत विद्युत प्रशारण लाईन विस्तार गर्न लागिएको भन्दै उनीहरुले जनप्रतिनिधिको ध्यानाकर्षण गराएका हुन् । हाईटेन्सन लाईन विस्तार गर्दा कतिपय स्थानीयको बसोबासनै उठ्न सक्ने भएकाले सो रोक्न आग्रह गर्दै जनप्रतिनिधीहरुको निवाशमानै पुगरे ध्यानाकर्षण गराईएको कमल ५ का दूर्गाप्रसाद चम्लागाईले बताए ।

कमल गाउँपालिकाले भने सो कार्यबारे गाउँपालिकाले मात्रै केहि गर्न नसक्ने जनाएको छ । गाउँपालिका उपाध्यक्ष बेनुप्रसाद शिवाकोटीले विद्युत लाईन विस्तरको योजनामा गाउँपालिकाले निर्णायक भुमिका खेल्न नसक्ने बताएका छन् । यस अघि स्थानीयले सो कार्य रोक्न गाउँपालिका समक्ष माग गर्दै ज्ञापन पत्र पनि बुझाएका छन् ।