काठमाडौँ – कोरोना भाइरसको संक्रमणबाट देशभरका विभिन्न अदालतमा २२ जना न्यायाधीशसहित १६१ जनामा  कोरोना संक्रमण पुष्टि भएको छ ।

सर्वोच्च अदालतल बुधबार विज्ञप्ती जारी गर्दै मुलुकभरका विभिन्न अदालतमा २२ न्यायाधीश र १ सय ३९ कर्मचारीलाई कोरोना संक्रमण भएको जानकारी दिएको हो।

सर्वोच्च अदालतका अनुसार उच्च अदालत जनकपुरको वीरगञ्ज इजलासमा सबैभन्दा बढी ४ जना न्यायाधीश र १५ कर्मचारीलाई कोरोना संक्रमण भएको छ।

त्यसपछि जिल्ला अदालत काठमाडौंका ४ न्यायाधीश र १२ कर्मचारीलाई कोरोना संक्रमण पुष्टि भएको विज्ञप्तीमा उल्लेख छ । त्यस्तै उच्च अदालत तुलसीपुरको बुटवल इजलासमा २ न्यायाधीश र १३ कर्मचारी संक्रमित भएका छन् । सर्वोच्च अदालतका सात कर्मचारी पनि संक्रमित भएका छन् ।

यस्तै उच्च अदालत विराटनगरका एक, नेपालगञ्जका एक र महेन्द्रनगरका एक न्यायाधीशलाई कोरोना संक्रमण भएको छ ।