एजेन्सी- टोटेनहम काराबाओ कप (इएफएल) फुटबलको फाइनलमा प्रवेश गरेको छ ।
घरेलु मैदानमा मंगलबार राति च्याम्पियनसिप क्लब ब्रेन्टफोर्डलाई २-० ले हराउँदै टोटेनहम फाइनलमा पुगेको हो ।
टोटेनहमको जितमा मौसा सिसोको र ह्युङ मिन सनले एक एक गोल गरे । १२औँ मिनेटमा मौसाले गोल गर्दै टोलीलाई अग्रता दिलाएका थिए । यस्तै खेलको ७०औँ मिनेटमा सनले गोल गर्दै टोटेनहमलाई २-० को जित दिलाए ।
८४औँ मिनेटमा जोसुवाले रातो कार्ड पाएपछि ब्रेन्टफोर्ड १० खेलाडीमा समेटिएको थियो ।
अब टोटेनहमले उपाधिका लागि म्यानचेस्टर सिटी र म्यानचेस्टर युनाईटेडबीचको विजेतासँग खेल्नेछ ।
प्रतिक्रिया