काठमाडौँ– कर्णाली प्रदेशका नेकपा एमालेका मन्त्रीहरुले मंगलबार राजीनामा दिने भएका छन् । आर्थिक मामिला मन्त्री प्रकाश ज्वालाले एमालेका मन्त्रीहरु भोलि राजीनामा दिने टुंगोमा पुगेको बताए ।

कर्णाली प्रदेशको संसदीय दलको बैठक भोलि दिउँसो १ बजेका लागि बोलाइएको प्रमुख सचेतक गुलावजंग शाहले जानकारी दिए ।

दलको बैठक अघि नै मन्त्रीहरुले राजीनामा बुझाउने तयारी भएको प्रमुख सचेतक शाहले बताए ।

आइतबार बसेको संसदीय दलको बैठकले मन्त्रीहरुले राजीनामा दिने र मुख्यमन्त्री महेन्द्रबहादुर शाहीलाई मार्ग प्रशस्त गर्न आग्रह गर्ने निर्णय गरेको थियो ।

कर्णाली प्रदेशमा एमालेबाट ज्वालासँगै सामाजिक विकास मन्त्री दल बहादुर रावल र उद्योग, पर्यटन, वन तथा वातावरण मन्त्री दलबहादुर रावल छन् ।