लसएञ्जल्स– अमेरिकी गायक माइक पोस्नर आफ्नो दिवंगत पिताको सम्मानका लागि सगरमाथा चढ्ने भएका छन् ।
उनले पिताको सम्मानमा गैर नाफामुखी न्याय सुधार परोपकारी संस्थाका लागि रकम जुटाउन सगरमाथा चढ्ने बताएका छन् ।
मोरुन एक्सप्रेसमा प्रकाशित समाचार अनुसार यी गायकले विना फोन र विना मानव अन्तरक्रिया सगरमाथा चढ्ने घोषणा गरेका हुन् । उनले सगरमाथा आरोहणमा आइपर्ने जोखिमका बारेमा अध्ययन सुरु गरिसकेका छन् ।
‘म जोखिमसँग जोडिनका लागि तयार छु । मेरो उद्देश्य नै सगरमाथा चढ्नु र मनोरञ्जन लिनु हो । यो जीवनको एउटा यात्रा नै हो । यो जोखिममा हामी मर्न पनि सक्छौं’, उनले भनेका छन् ।
प्रतिक्रिया