काठमाडौँ– भौतिक पूर्वाधार तथा यातायातमन्त्री वसन्त नेम्वाङले मुलुकको समृद्धिको आधार आर्थिक विकास बाहेक अर्को नभएको बताएका छन् ।

शुक्रबार नाडा अटोमोवाईल्स एसोसियसन अफ नेपालको ४४ औं वार्षिक साधारण सभामा बोल्दै नेम्वाङले शान्तिको बाटो नै मुलुकको समृद्धिको आधार भएको बताएका हुन् ।

उनले आर्थिक समृद्धिको यात्रा शुरु भइसकेकाले नीजि क्षेत्र र सरकार दुवै मिले मात्रै आर्थिक यात्रामा सफलता पाउने तर्क गरे ।

आर्थिक विकासको बाटोलाई अगाडि बढाउन सरकार र विप्लव समूहबीच भएका सहमतिले राजनीतिक दल र व्यवसायीहरुलाई उत्साहित बनाएको बताउदै उनले विश्व बैकं लगायतले नेपालमा लगानी गर्न सहमत भएको बताए ।

उनले नेपालमा ढुक्क भएर लगानी गर्न आग्रह गरे । उनले नेपालमा ठूलाठूला बाटाहरु निर्माण भइरहेको बताए ।