काठमाडौं- इन्डियन प्रिमियर लिग (आईपीएल) मा नेपालका ८ खेलाडीले नाम दर्ता गराएका छन्।

भारतीय क्रिकेट बोर्डले आयोजना गर्ने आईपीएलका लागि २०२१ को अक्सनमा ८ नेपाली क्रिकेटरले नाम दर्ता गराएका छन्।

नेपालबाट आईपीगल खेल्ने पहिलो खेलाडी बनेका सन्दिप लामिछानेलाई दिल्ली क्यापिटल्सले यो सिजनमा रिलिज गरिसकेको छ। उनको नाम पनि अक्सनमा हुनेछ।

आयोजक संस्थाले यस वर्षको आईपीएलका लागि कुल १ हजार ९७ जना खेलाडी अक्सनका लागि दर्ता भएको जानकारी दिएको छ ।

बीसीसीआईका अनुसार २७ जना खेलाडी एसोसियट राष्ट्रबाट अक्सनमा दर्ता भएका छन् । जसमा ८ खेलाडी नेपालका छन् ।

आईपीएलको नयाँ सिजनका लागि भारतका ८ सय १४ र बाहिरका २ सय ८३ खेलाडी अक्सनमा परेका छन् ।

आईपीएलको अक्सन चेन्नेईमा फेब्रुअरी १८ मा आयोजना गर्ने बीसीसीआईको तयारी छ । अक्सन नेपाली समय अनुसार दिउँसो सवाँ ३ बजे सुरु हुनेछ ।

पछिल्लो समय नेपाली खेलाडी विदेशी लिगमा आवद्व हुँदै आएका छन्। दुबईमा जारी टि १० लिगमा नेपालका ४ खेलाडी विभिन्न टिममा आवद्ध छन्। अहिले सोमपाल कामी, करण केसी कुशल मल्ल र पारस खड्का टि १० मा व्यस्त छन्।