कपिलवस्तु– नेपाली कांग्रेस कपिलवस्तुको वडा अधिवेशन अनिश्चित बनेको छ। जिल्लाको मायादेवी गाउपालिका वडा नं ३ फुलिकाकामा सिफारिस भएका नयाँ क्रियाशील सदस्यताको विषयमा विवाद हुँदा वडा अधिवेशन अनिश्चित बनेको हो ।

कांग्रेस पार्टीमा प्रबेश गरेका प्रतिनिधिसभा सदस्य अभिषेक प्रताप शाह , राष्ट्रिय सभा सदस्य दिर्ग नारायन पाण्डेय र राजेश बहादुर सिंहले सिफारिस गरेका क्रियाशील सदस्यमा पनि विवाद भएको छ ।
बाँकी विवाद मिलिसकेको तर फुलिकामा वडा समितिद्वारा सिफारिस भएको नामहरु , क्षेत्रीय समितिले सिफारिस गरेर जिल्ला समितिले केन्द्रमा पठाउँदा दोस्रो संबिधानसभाको चुनावमा कांग्रेसका बागी उम्मेदवार भै चुनाव जितेका समानुपातिक सांसद तथा पार्टी केन्द्रीय सदस्य अतहर कमाल मुसलमानको हस्तक्षेपले अधिवेशन हुन नसकेको स्थानीय नेताहरुको भनाइ रहेको छ।

सांसद कमाल जिल्लामा रहँदा पौडेल गुटमा रहने र केन्द्रमा फाइदा लिने बेलामा देउवाको नजिक हुने गरेकोसमेत आरोप लगाइएको छ ।