बेइजिङ– अफगानििस्तानको सत्तामा तालिबानकाृ कब्जापछि वैश्विकस्तरमा पनि विभिन्न किसिमका परिवर्तनहरु स्पष्ट रुपमा देखिन थालेका छन् । अफगानिस्तानमा तालिबानको कब्जाले चीनको भूमिका निकै महत्वपूर्ण बनेको छ ।

चीन, रूस र पाकिस्तान ती केही देशहरु हुन् जसले तालिबानको कब्जापछि पनि काबुलमा राजदूतावास खुला राखेका छन् । अफगानिस्तानस्थित चिनियाँ राजदूत वांग युले हालै तालिबान अधिकारीहरुसँग कूटनीतिक वार्ता पनि गरेका थिए ।

अफगानिस्तानमा तालिबानको कब्जा भएको केही दिनपछि चीनले सार्वजनिक रुपमै तालिबानसँग मित्रतापूर्ण सम्बन्ध विकास गर्न चाहेको बताएको थियो । चिनियाँ विदेश मन्त्रालयका प्रवक्ता वांग वेनबिनले शुक्रवार दैनिक प्रेस सम्मेलनमा अफगानिस्तानसँग सम्बन्धित प्रश्नको जवाफ दिए ।

रूसको समाचार एजेन्सी स्पूतनिकले अलजजीराको हवाला दिँदै सोधेको थियो, ‘तालिबानले ने पंजशीर प्रान्तमा आक्रमण गर्ने निर्णय लिएको छ । त्यसमा चीनको के टिप्पणी छ ? र यसको अफगानिस्तानको अवस्थामा के प्रभाव पर्छ ?’ र भारतमा हुने ब्रिक्स शिखर सम्मेलनमा अफगानिस्तानबारे देशहरुबीच छलफल हुन्छ ? भन्ने प्रश्न पनि गरिएको थियो ।

यसको जवाफ दिँदै वांग वेनबिनले चीनले अफगानिस्तानका सबै पक्ष अफगानीहरुको अपेक्षा अनुसार र अन्तर्राष्ट्रिय समुदायको अपेक्षा अनुसार पररामर्श गरेर मतभेद हटाउने विश्वास गरेको बताए । उनले स्थिर अफगानिस्तानको सुनिश्चितता हुने पर्ने भन्दै युद्धको मार झेलेको यो मुलुकमा छिटोभन्दा छिटो शान्ति कायम हुनुपर्ने बताए ।

ब्रिक्स सम्मेलनबारे उनले ब्रिक्स विकसित भइरहेको बजार र प्रमुख विकासशील देशहरुको का एक महत्वपूर्ण सहयोग मञ्च भएको भन्दै ब्रिक्स देशहरुले हालै राष्ट्रिय सुरक्षा सल्लाहाकारको ब्रिक्स बैठकमा अफगानिस्तानबारे कुरा गरेको बताए ।

बेल्ट एण्ड रोड इनिसियटिभ (बीआरआई)मा अफगानिस्तानको सहयोगबारे सोधिएको प्रश्नमा उनले अफगानिस्तान परम्परागत रुपमै चनीको असल छिमेकी भएको उल्लेख गर्दै बीआरआईमा सहयोग हुने बताए । उनले बीआरआई अनुसार चीन– अफगानिस्तान सहयोगले मानिसहरुलाई फाइदा भएकोसमेत बताए । उनले तालिबानले विदेशी लगानीकर्ताकाहरुक लागि राम्रो वातावरण बनाउने प्रतिवद्धता गरेकोसमेत बताए । (बीबीसी)