काठमाडौँ– नेपाल रेल्वे कम्पनीका महाप्रबन्धक गुरु भट्टराईले आफूलाई पदबाट हटाउन माओवादी केन्द्रका अध्यक्ष पुष्पकमल दाहाल ‘प्रचण्ड’ र एमाले वरिष्ठ नेता माधवकुमार नेपालले दबाब दिएको आरोप लगाएका छन् ।

मंगलबार सरकारले आचरणविपरीत कार्य गरेको भन्दै स्पष्टीकरण सोध्ने निर्णय गरेपछि सामाजिक सञ्जाल फेसबुकमार्फत उनले नेताद्वयमाथि यस्तो आरोप लगाएका हुन् ।

उनले आफूलाई स्पष्टीकरण लिन र पदबाट बर्खास्त गर्न मुख्य रुपमा प्रचण्ड र नेपालको भीषण दबाब रहेको बताएका हुन् । उनले प्रचण्ड र माधव नेपाललक्षित गर्दै भनेका छन्, ‘गुरु भट्टराई देखेर तीन कान्ला हाम्फाल्नेहरुले यो देश बनाउँछन् भनेर कल्पना गर्नु ? म लाखौंको जागीर छोडेर ५० हजारको जागीर खान बाध्यताले आएको हो। त्यो बाध्यता मुलुक निर्माण र जनताको खुसहालीको निम्ति हो। मेरो आफ्नै ब्यक्तिगत चाहना हैन।’

उनले आफूले कम्पनीमा नियुक्त गरेका गरिब नागरिकका छोराछोरीलाई ननिकाल्न पनि चेतावनी दिएका छन्। उनले फेसबुकमा लेखेका छन्, ‘मलाइ निकाल तर मैले नियुक्त गरेका गरिव नागरिककाका छोराछोरीलाइ हिम्मत गर्यो भने तिम्रो सत्ता हल्लिन्छ, मजाक नगर ।’

उनले फेसबुकमा यस्तो लेखेका छन्-

उनले एमाले नेता नेपालप्रति आक्रोश पोख्दै ‘चोर राजनीतिज्ञसंग’ त म लड्ने नै हो, माकुनेसँग मैदानमा भेट्ने बताएका छन् । उनले नेता नेपाललाई ‘राजनीतिक क्यानसरको संज्ञा दिँदै काटेर फाल्नुपर्ने बताएका छन् ।

उनको अर्को स्टाटस यस्तो छ-

नेपाल र प्रचण्डले राजनीतिको नाममा मुलुक लुट्ने र जनताको आन्द्रा चुस्ने काम गरेको आरोप लगाउँदै जनहित र लोकतन्त्रको पक्षमा बोल्दा मेरो आचरण खराब भो ? भन्दै प्रश्न समेत गरेका छन् ।