काठमाडौँ– पार्टी कारबाहीमा परेका जनमोर्चाका गण्डकी प्रदेश सांसद कृष्ण थापाले सर्वोच्च अदालतमा रिट दायर गरेका छन् ।
बागलुङ – १ को ‘क’ बाट प्रत्यक्ष निर्वाचित सांसद् थापालाई पार्टीले कारबाही गर्दै बिहीबार सांसद पदबाट हटाएको थियो ।
पार्टीले असंवैधानिक तरिकाले कारबाही गरेको भन्दै थापाले शुक्रबार सर्वोच्च अदालतमा रिट दर्ता गरेको सर्वोच्च अदालतका संचारविज्ञ किशोर पौडेलले जानकारी दिए ।
थापाले दायर गरेको रिटको सुनुवाइका लागि आइतबार पेशी तोकिएको छ । सांसद थापालाई पार्टीको ह्विप विपरित काम गरेको भन्दै जनमोर्चाले कारबाही गरेको हो ।
प्रतिक्रिया