मुम्बई–अभिनेता सलमान खानको फिल्म ‘राधेः योर मस्ट वान्टेड भाइ’को रिलिज मिति नजिकिँदैछ । महंगो बजेटको यो फिल्मले कोभिडको महामारीका समयमा कस्तो व्यापार गर्ला भन्ने चासो फिल्मजगतमा छ ।

बलिउड हंगामा प्रकाशित समाचारअनुसार यो फिल्म थिएटरसँगै जीप्लेक्स डिजिटल प्लेटफममा एकसाथ रिलिज हुँदैछ । फिल्म मे १३ मा इदको अवसर पारेर रिलिज हुँदैछ ।

फिल्मले सेन्सर बोर्डबाट यूनिभर्सल/एडल्ट सर्टिफिकेट पाइसकेको छ । यो फिल्मको समयावधिका बारेमा एउटा नयाँ खबर बाहिर आएको छ । सलमानको ३० वर्षे बढी फिल्मी करियरमा सम्भवत यो फिल्म नै सर्वाधिक छोटो फिल्म हुनेछ ।

यसअघि सलमानका फिल्म दुई घण्टा माथिकै थिए । तर सलमानको ‘राधेः योर मस्ट वान्टेड भाइ’ ए सय १४ मिनेट अर्थात् एक घण्टा ५४ मिनेटको मात्र रहेको छ ।

फिल्ममा दिशा पाटनी, रणदीप हुड्डा र ज्याकी श्राफको पनि अभिनय छ । फिल्मका निर्देशक प्रभु देवा हुन् ।