रौतहट– नेपाली कांग्रेसका रौतहट क्षेत्र नम्बर ४ का निर्वाचित क्षेत्रीय कार्यसमिति र महाधिवेशन प्रतिनिधिहरूको प्रमाणपत्र वितरणमा अवरोध भएको छ ।

प्रमाणपत्र बनाउन कृष्णा यादव समुहले अवरोध गरेको स्थानीय कार्यकर्ताले आरोप लगाएका छन् ।

शुरुमा यादबले सर्वसम्मति भन्दै चुनावनै रोके पनि गत मंसिर ४ गते १५१ जनाले लिखित रुपमै निर्वाचनको आग्रह गर्दै जिल्ला निर्वाचन अधिकृतलाई पत्र बुझाएका थिए।

कार्यकर्ताको दवावपछि यादव समूह चुनाव गराउन बाध्य भएपनि अहिले प्रमाणपत्र वितरणमा अवरोध गर्दै आएको आरोप निर्वाचित पदाधिकारीको छ ।

यादबले अलोकतान्त्रिक चरित्र देखाएको भन्दै स्थानीय कार्यकर्ताले हिजोपनि नाराजुलुस गरेका थिए। चुनावमा संस्थापन पक्षका सबै उम्मेदवारले हारेपछि प्रमाणपत्र वितरणको काम रोकिएको छ ।

प्रमाणपत्र समयमै नपाए आन्दोलन गर्ने स्थानीय कांग्रेस कार्यकर्ताले चेतावनी दिएका छन् ।