काठमाडौँ– सेनाको हतियार चोरी प्रकरणमा जेलमा रहेका दुईजना निर्दोष ठहर भएपछि शुक्रबार रिहा भएका छन् । सेनाका अमल्दार लवकुमार गुरूङ र सरोज तामाङमाथि सेनाको एसएमजी हतियार चोरीमा कोर्ट मार्शल गरिएको थियो ।
उनीहरु निर्दोष रहेको सेनाको विशेष अदालतले फैसला गरेको थियो ।
गत साउन ७ गते चितवनमा सेनाकै जवान गंगाधर ढकालले सहकर्मी भरत गुरुङको हत्या गर्न सोही हतियार प्रयोग गरेको भेटिएपछि हतियार चोरी प्रकणमा नयाँ ट्वीस्ट आएको थियो । ढकाल हत्या आरोपमा दोषी ठहर भएका छन् । उनले आजीवन कैदको सजाय सैनिक अदालतले सुनाएको छ ।
लव र सरोज शुक्रबार जिल्ला कारागार चिवतनबाट रिहा भएका छन् । उनीहरुको जागिर पनि पुनःबहाली भएको छ ।
प्रतिक्रिया