काठमाडौँ– संयुक्त विद्यार्थी संगठनले शनिबार पनि सरकारविरुद्ध मुलुकभर प्रदर्शन गरेका छन् ।

शनिबार विद्यार्थीहरुले विभिन्न क्याम्पस अगाडि बिरोध प्रदर्शन गरेका हुन् । यसै क्रममा नेविसंघले काठमाडौँको पशुपति क्याम्पसमा प्रधानमन्त्री केपी ओलीको पुत्दा दहन गरे ।

बाहिर पुतला जलाउने क्रममा प्रहरी र विद्यार्थीबीच केहीबेर घम्साघम्सी परेको थियो । प्रतिनिधिसभा विघटन गर्दै प्रधानमन्त्री ओली निरंकुश बन्दै गएको आरोप विद्यार्थी संगठनहरुले लगाएका छन् ।

उनीहरूले देशभर सरकारविरुद्ध प्रदर्शन गरिरहेका छन् । त्यस्तै, वर्तमान सरकारले महँगी बढाएको, जनताको न्युनतम आधारभूत आवश्यकता पूरा गर्न नसकेको उनीहरुको आरोप छ ।

यस्तै नेविसंघ कोटेश्वर क्याम्पसका विद्यार्थीहरुले पनि सरकारविरुद्ध प्रदर्शन गर्दै प्रधानमन्त्रीको पुत्दा दहन गरेका थिए । यसअघि शुक्रबार बसेको विपक्षी गठबन्धनका विद्यार्थी संगठनले थप ८ बुँदे आन्दोलनका कार्यक्रम घोषणा गरेको थियो ।