काठमाडौं– ‘मिस नेवाः ११३९’ विजेता नितु डंगोलले आफ्नो जन्मदिनको अवसर पारेर नयाँवानेश्वरको संगम चोकमा रहेको न्यू नेपाल सोसाइटी सेन्टरमा आश्रित बालबालिकालाई सहयोग गरेकी छन् ।
उनले आश्रममा आश्रित ४० बालबालिकाकालाई कापी, कलम, इरेजर, कटरसँगै खाद्य सामग्री उपलब्ध गराएकी थिइन् ।
नितुले फजुल खर्च गरेर जन्मदिन मनाउनुको साटो बालबालिकाको दैनिकी र शिक्षामा सघाउन खाद्यान्न तथा कपी कलम उपलब्ध गराउँदा आत्मसन्तुष्टि मिलेको बताइन् ।
डंगोलसँग ‘मिस नेवाः’ आयोजक नेप्लीज फेसन होमकी अध्यक्ष हेमा मानन्धर, नयाँ ‘मिस नेवाः’ कृषा महर्जन, ‘फष्ट रनर अप’ प्रिया तुलाधरलगायत पनि आश्रम पुगेका थिए ।
प्रतिक्रिया