कास्की– राष्ट्रिय जनमोर्चाले गण्डकी प्रदेशको प्रदेशसभा सांसद् कृष्ण थापालाई सांसद् पदबाट हटाएको छ ।

बागलुङ – १ को ‘क’ बाट प्रत्यक्ष निर्वाचित सांसद् थापालाई पार्टीले कारबाही गर्दै सांसद पदबाट हटाएको हो ।

बिहीबार बसेको जनमोर्चाको केन्द्रीय बैठकले थापालाई सांसद् पदबाट निष्कासन गर्ने निर्णय गर्दै सांसद्‍‍बाट हटाइएको जानकारी प्रदेशसभा सचिवालयलाई दिएको छ ।

जनमोर्चाका केन्द्रीय महासचिव मनोज भट्ट र प्रदेशसभा अन्तर्गत राष्ट्रिय जनमोर्चाकी सचेतक पियारी थापाले उनलाई सांसद् पदबाट हटाएको पत्र सचिवालयमा बुझाएको प्रदेशसभा सचिवालयका सचिव हरिराज पोखरेलले बताए ।

यसअघि थापालाई पार्टीले कारबाही गर्दै आजीवन केन्द्रीय सदस्य हुन नपाउने र एक वर्षका लागि पार्टी सदस्यबाट निलम्बन गर्दै दलको नेताबाट हटाएको थियो ।