काठमाडौँ– काठमाडौँ उपत्यकामा आज मध्यरातिबाट थपिएको ११ दिनको निषेधाज्ञा केही खुकुलो बनाइएको छ ।

उपत्यकाका तीन जिल्ला अधिकारीहरुको बुधबार बसेको बैठकले केही खुकुलो गर्दै जेठ मसान्तसम्म निषेधाज्ञा थप गर्ने निर्णय गेरका हुन् ।

कुन कुन क्षेत्रमा खुकुलो ?

• मृत्यु संस्कारका लागि जानुपर्ने वा फर्कनु पर्ने अवस्थामा मृत्यु प्रमाण पत्रको वा सम्बन्धित वडाको परिचय खुल्ने गरी सिफारिस आवश्यक पर्नेछ ।
• काठमाडौँ जिल्ला भित्रका बिरामी तथा कुरुवाको अस्पतालको भर्ना कार्ड वा रिपोर्ट कार्डका आधारमा दुई जना आवतजावत गर्न पाउने ।
• काठमाडौँ बाहिर जानु पर्ने अवस्थामा बिरामीको रिपोर्ट कार्ड वा भर्ना कार्ड परिचय खुल्ने कागजातको प्रतिलिपि सहति निवेदन पेश गर्नुपर्ने । सुरक्षा गार्डहरुको हकमा परिचय पत्र र पोशाक लगाएर ड्युटीमा आवत जावत गर्न पाउने ।
• अत्यावश्यक सेवाहरु जस्तै एम्बुलेन्स, खानेपानी, विद्युत मर्मत सम्भार, स्वास्थ्य सम्बद्ध(औषधी, अक्सिजन सिलिन्डर) दूरसञ्चार, इन्टरनेट मर्मत, कार्गाे, कुरियर तथा डाँक सेवा र फोहोरमैला व्यवस्थापन सम्बन्धी ढुवानी तथा यातायात साधनमा व्यानर वा प्रिन्टमा विषय उल्लेख गरेर सञ्चालन गर्न पाउने ।
• तरकारी फलफूल, खाद्यान्न, दूध, तथा दूधजन्य पदार्थ र सोको प्याकिङ सामाग्री, कुखुराको दाना, चल्ला र पशुपंछीजन्य पदार्थ,भेटनरी सम्बन्धी कार्य, इन्धन खाना पकाउने ग्यास सरसफाईमा प्रयोग गरिने मास्क, साबुन, स्यानिटाइजर र प्रिन्ट तथा सरकारी छापाखाना लगायतका ढुवानी तथा सोको यातायात साधन व्यानर वा प्रिन्टमा विषय उल्लेख गरी राति ९ बजेदेखि विहान ९ बजेसम्म न्यूनतम जनशक्ति प्रयोग गरी सञ्चालन गर्न पाउने ।
• निर्माण सामाग्री ढुवानीका लागि सो को सवारी साधन राति ९ बजेदेखि विहान ४ बजेसम्म सञ्चालन गर्न पाउने ।
• भन्सार विन्दुबाट पास जारी भएका मालवाहक सवारी साधन तथा सम्बन्धित भन्सार प्रमुखले मालसामान छुटाउन भनी आउन जारी रुट खुलाई अनुमति स्वीकृति प्रदान गरेका त्यस्ता मालसामान छुटाउने भन्सार एजेन्ट तथा कर्मचारीलाई अनुमति उल्लेख गरेको दिन र स्थानसम्म आवतजावत गर्न दिइने ।
• अत्यावश्यक सेवा वाहेकका सरकारी कार्यालय, सार्वजनिक संस्थान र बीमा लगायत कार्यालयको सेवा प्रवाहलाई स्थगन गर्ने ।
  सरकारी कार्यालय सार्वजनिक संस्थान, बैंक, अन्य सम्पूर्ण वित्तिय संस्थाहरु, इन्टरनेट प्रदायक संस्था दुरसञ्चार संस्थाको हकमा सम्बन्धित मन्त्रालयका सचिव तथा विभागीय प्रमुखले जारी गरेको पास तथा परिचयपत्रको आधारमा आवतजावत गर्न पाउने ।
• जनप्रतिनिधि, संवैधानिक निकाय पदाधिकारी तथा सचिव, माननिय न्यायधिश, मन्त्रालय सचिव विभागीय प्रमुख र मन्त्रालयका सहसचिवको हकमा परिचय पत्रको आधारमा आवतजावत गर्ने व्यवस्था मिलाउने ।
• अन्तर्राष्ट्रिय उडानबाट आवतजावत गर्ने यात्रुहरुको हकमा हवाई टिकट, पासपोर्ट, भिसा हुनेहरुलाई सिधैँ एरपोर्ट जानका लागि सवारी साधनको सहजीकरण गर्ने ।
• तरकारी फलफूल खाद्यन्न, दुध डेरी, मासु खानेपानी, ग्यास पसलहरु, किराना पसल र डिपार्टमेन्टल स्टोर विहान ९ बजेसम्म मात्र खुला गर्ने ।
• स्थानीय ढुवानीका हकमा राति ९ बजेदेखि विहान ९ बजेसम्म मात्र गर्न पाउने । सवारी साधन मर्मतका लागि वर्कशपहरु राति ९ बजेदेखि विहान ९ बजेसम्म सञ्चालन गर्ने ।
  औषधी तथा स्वास्थ्य सामाग्री सम्बन्धि जुनसुकै समय निर्वाध रुपमा सञ्चालन गर्न पाइने ।
• पत्रकार तथा सञ्चारकर्मीलाई सूचना तथा प्रसारण विभागको प्रेस पासका आधारमा आवत जावतमा सहजीकरण गर्ने । सूचना तथा प्रसारण विभागको प्रेस पासका आधारमा आवतजावतमा सहजीकरण गर्ने ।
• प्रिन्टिङ प्रेसमा काम गर्ने सुरक्षा सम्बद्ध कर्मचारी तथा औषधी आपूर्ति गर्ने परिचय बाहेक व्यक्तिको हकमा सम्बद्ध निकाय तथा आपूर्तिकर्ताको अनुमति पत्र भए सवारी पास नचाहिने ।