काठमाडौँ– प्रधानमन्त्रीका प्रेस सल्लाहकार सूर्य थापाले दाहाल–नेपाल समूहले संवैधानिक निकायमा आफ्नो मान्छे नियुक्त गर्न नपाउँदा आमहड्ताल गरेको टिप्पणी गरेका छन् ।
उनले बुधबार राति सामाजिक सञ्जालमार्फत प्रचण्ड–नेपाल समूहप्रति सो टिप्पणी गरेका हुन् ।
‘माझण्ड (माधव–झलनाथ–प्रचण्डं) गुटले संवैधानिक निकायहरूमा खल्तीका मान्छे हाल्न नपाएर आमहडताल गर्ने भन्दा हाँसो थाम्न गाह्रो पर्यो’, उनले भनेका छन् ।
उनले पद नपाउँदा कुण्ठा पाल्ने काम प्रचण्ड नेपाल समूहले गरेको पनि आरोप लगाएका छन् ।
थापाले फेसबुकमा यस्तो लेखेका छन्–
माझण्ड (माधव-झलनाथ-प्रचण्ड)
गुटले संबैधानिक निकायहरूमा खल्तीका मान्छे हाल्न नपाएर आमहडताल गर्ने भन्दा हाँसाे थाम्न गा-हाे प-याे !
न बा-हड्लाल,
न आमा-हड्ताल,
पद नपाएको कुण्ठा ।Posted by Surya Thapa on Wednesday, 3 February 2021
प्रतिक्रिया