काठमाडौँ– नेपाल प्रहरीका पूर्व डीआईजी तथा नेपाल सुशासन अभियानका अभियान्ता रमेश खरेलले बिहीबार हुने भनिएको नेकपा दाहाल–नेपाल समूहको आमहड्ताल फिर्ता गर्न आग्रह गरेका छन्।

सुशासन नेपाल अभियानको पेसबुक पेजमा भिडियो सार्वजनिक गर्दै आमहड्ताल फिर्ता गर्न आग्रह गरेका हुन ।

उनले महात्मा गान्धीको भनाइ स्मरण गर्दै भनेका छन, ‘अरुको अधिकार हनन नगर्नुस्,  अरुले गरेक असंवैधानिक कदमको तपाइँहरु पनि असंवैधानिक तवरले प्रतिकार नगर्नुस् ।’

हेरौँ भिडियो

उनले प्रधानमन्त्री केपी शर्मा ओलीको सिफारिसमा राष्ट्रपतिले संसद विघटन पनि असंवैधानिक कदम भएको बताए।

‘प्रधानमन्त्रीको असंवैधानिक कदमको नेपाल सुशासन अभियान विरोध गर्दछ’, उनले भने।

प्रधानमन्त्रीको कदम असंवैधानिक भए पनि आफूहरुले शान्तिपूर्ण विरोध गरेको जनाउँदै प्रचण्ड–नेपाल समूहलाई पनि शान्तिपूर्ण आन्दोलन गर्न उनले आग्रह गरेका छन।