काठमाडौँ– इङलिश प्रिमियर लिग अन्तर्गत म्यानचेस्टर युनाइटेडले साउथहम्पटनमाथि गोलको बर्षा गरेको छ ।

गएराती सम्पन्न खेलमा युनाइटेडले साउथहम्पटनलाई ९-० गोल अन्तरले पराजित गरेको छ ।

युनाइटेडका लागि एन्थोनी मार्सियलले दुई गोल गरे भने एरोन वान बिस्साका, मार्कस राशफोर्ड, एडिसन कभानी, स्कट म्याकटोमीने, ब्रुनो फेर्नानडेज र डेनियल जेम्सले एक एक गोल गरेका थिए । त्यस्तै साउथहम्पटनका जान बेडनारेकले एक गोल आत्मघाती गरेका थिए ।

यस खेलमा साउथहम्पटनका एलेक्स जन्केवित्ज र जान बेडनारेकले रातो कार्ड पाएका थिए ।

योजितपछि म्यानचेस्टर युनाइटेडको २२ खेलमा ४४ अंक भएको छ भने शिर्ष स्थानमा रहेको म्यानचेस्टर सिटीसँग बराबरी गरेको छ । यद्यपी सिटीले दुई खेल कम खेलेको छ ।

त्यस्तै साउथहम्पटनको भने २१ खेलमा २९ अंक रहेको छ ।