काठमाडौँ– लुम्बिनी प्रदेशको भौतिक पूर्वाधार विकास राज्यमन्त्री सुमन शर्मा रायमाझीले पदबाट राजीनामा दिएकी छन् ।
रायमाझीले मुख्यमन्त्रीसमक्ष शुक्रबार राजीनामा बुझाएकी हुन्। जसपा अध्यक्ष उपेन्द्र यादव पक्षमा रहेकी रायमाझी केही समय अघि अर्का अध्यक्ष महन्थ ठाकुर पक्षमा लागेर राज्यमन्त्री बनेकी थिइन् ।
मुख्यमन्त्री शंकर पोखरेललाई आफ्नो दल जनता समाजवादी पार्टीको समर्थन नरहेकोले पार्टीको समर्थन र सहयोग बिना सरकारमा रही निरन्तरता दिन नसक्ने भएकाले पदबाट राजीनामा गरेको उनले पत्रमा उल्लेख गरेकी छन् । राजीनामा दिएकी उनी पुनः यादव पक्षमा फर्किएकी हुन् ।
प्रतिक्रिया