झापा– झापाको दमक १ बाट एक व्यक्ति लागुऔषध तथा नक्कली नोटसहित पक्राउ परेका छन् ।
जिल्ला प्रहरी कार्यालय झापाका अनुसार दमक १ को एक होटलको कोठाबाट एक जना भुटानी शरणार्थीलाई पक्राउ गरिएको हो ।
दमक ३ बेलडाँगी २ सेक्टर सी २ का ३२ वर्षीय पूर्णबहादुर बानियाँ लागुऔषध र नक्कली नोटसहित पक्राउ परेका हुन् । उनको साथबाट एउटै नम्वर भएका एक हजार दरका ८ थान नोट बरामद भएको छ ।
यस्तै ४७.५३० ग्राम ब्राउन सुगरसमेत बरामद भएको जिल्ला प्रहरी कार्यालय झापाका प्रवक्ता राकेश थापाले जानकारी दिए । अदालतबाट म्याद थप गरी उनीमाथि अनुसन्धान भईरहेको प्रहरीको भनाइ छ ।
प्रतिक्रिया