काठमाडौँ– नेपालमा कोरोना संक्रमणको दर तीव्र रुपमा फैलिएको छ । पछिल्लो केही दिन यता देशभर दैनिक साढे पाँच हजार भन्दा बढी कोरोना संक्रमित थपिने गरेका छन् ।

स्वास्थ्य तथा जनसंख्या मन्त्रालयको तथ्यांक अनुसार पछिल्लो एक सातामा मात्रै पीसीआर परीक्षणको रिपोर्ट अनुसार करीव ३६ हजारमा कोरोना भाइरस संक्रमणको पुष्टि भएको छ ।

एक हप्ता अगाडि गत वैशाख १२ गते आइतबार नेपालमा कोरोना संक्रमितको संख्या ३ लाख ११९ थियो भने आज ३ लाख ३६ हजार ३० पुगेको छ । यो तथ्यांकलाई हेर्दा एक हप्तामा मात्रै नेपालमा कोरोना संक्रमितको संख्या ३५ हजार ९११ जना थपिएका छन् ।

पीस‍ीआर र एन्टिजेन परीक्षणमा कुन दिन कति संक्रमित थपिए ?

आइतबार- ३ हजार १२२ जना

सोमबार- ३ हजार ५ सय ५६ जना

मङगलबार- ४ हजार ५ सय २४

बुधबार- ४ हजार ८ सय ९७

बिहीबार- ४ हजार ९ सय २८

शुक्रबार- ५ हजार ७ सय २७

शनिबार- ५ हजार ७ सय ६३

आइतबार (आज) ७ हजार २ सय ११ जना

मन्त्रालयको तथ्यांक अनुसार कोरोना संक्रमित सख्या सबै भन्दा बढि काठमाडौंमा रहेको छ ।