घरको वातावरण हरियाली होस् भन्ने सबैको चाहाना हुन्छ । त्यसैले प्रायः मानिस घरको छत, आगन र बरण्डामा बिभिन्न बोट बिरुवा लगाउने गर्दछन् ।

प्रायः घरमा रोपिने बिरुवामा मनीप्लान्ट छुट्दैन । मनीप्लान्ट केवल घर वा वातावरणको सुन्दरताकालागी मात्र हुदैन । यो रोप्दा घरमा सुख, सम्पन्नता समेत भित्रिने मान्यता छ । तर गलत दिशामा मनीप्लान्ट रोपिएमा भने यसले ठुलो हानी पुर्याउन सक्छ ।

वास्तु शास्त्र अनुसार घरको दक्षिण–पूर्वी दिशा (आग्नेय कोण) मनीप्लान्ट रोप्नु सबैभन्दा उचित मानिन्छ । धार्मीक मान्यता अनुसार भगवान गणेशलाई दक्षिण पूर्वी दिशाको स्वामी मानिन्छ । त्यसैले यो दिशामा मनीप्लान्ट रोप्नु शुभ मानिएको हो । यो दिशामा मनीप्लान्ट रोपेमा घरमा पोजेटिभ एनर्जी आउने र सुख–समृद्धि बनीरहने मान्यता छ ।

तर वास्तु शास्त्र अनुसार मनीप्लान्ट रोप्दा यी कुरामा भने ध्यान दिनु पर्ने हुन्छ ।

१. ईशान कोण अर्थात उत्तर–पूर्व दिशामा मनीप्लान्ट रोप्नु हुदैँन । अन्यथा आर्थिक क्षती बेहोर्नु पर्ने धार्मीक मान्यता छ । साथै परिवारका सदस्यबीच मनमुटाव र सम्बन्धमा दरार आउन सक्छ । यतिमात्र होइन, घरको पूर्व र पश्चिम दिशामा समेत मनीप्लान्ट रोप्नु हुदैँन ।

२. मनीप्लान्टलाई घर बाहिर राख्नुको सट्टा घरभित्र राख्नु पर्दछ । यसो गरेमा घरमा सकारात्मक उर्जा आउने मान्यता छ । तर घरभित्र मनीप्लान्ट राख्दा कसैको सिधा नजर नपर्ने गरी राख्नु पर्दछ ।

३. मनीप्लान्ट बढ्दै जादा यसको लहरा भुईमा फैलन दिनु हुदैन । बरु कुनै पर्खाल वा केही सहायकको माध्यमबाट यो माथितिर उक्लिएको हुनु पर्दछ । अन्यथा फजूल खर्च बढ्ने मान्यता छ ।