काठमाडौँ– नेकपा ओली समूहका नेता महश बस्नेतले नेपाली काँग्रेस सत्ताको खेलमा नलागे प्रधानमन्त्री केपी शर्मा ओलीलाई कसैले हटाउन नसक्ने बताएका छन् ।

मंगलबार राजधानीमा रिर्पोटस क्लव नेपालले गरेको साक्षातकार कार्यक्रममा बोल्दै नेता बस्नेतले नेपाली काँग्रेस सत्ताको खेलमा नलागे वर्तमान सरकारलाई कसैले हटाउन नसक्ने बताएका हुन् ।

प्रधानमन्त्री केपी शर्मा ओलीले अहिलेको अवस्थामा कुनै नयाँ कदम चाल्नुपर्ने अवस्था नभएको बताउँदै उनले नेकपा नफुटेको जिकिर गरे ।

नेता वस्नेतले सत्ताको समिकरण बोकाको मुखमा कुभिण्डो जस्तै प्रचण्ड–माधव पक्षलाई भएको आरोप लगाए।

उनले प्रधानमन्त्री केपी शर्मा ओलीकै नेतृत्वमा नेपालको राजनीति घुमिरहने जिकिर गर्दै नेकपाभित्रै सत्ताको खेल भएकाले विगतमा भएका कमीकमजोरी सच्चाएर अगाडि बढ्नुपर्ने बताए ।

उनले प्रचण्ड–माधव पक्षका सांसदहरु पनि आफूहरुको पक्षमा आउने दावीसमेत गरे ।