काठमाडौँ- राष्ट्रपति डोनाल्ड ट्रम्पले सुरक्षा खर्च बढाउन गरेको प्रस्तावलाई अमेरिकी संसदले अस्वीकार गरेको छ ।

राष्ट्रपति ट्रम्पले भिटो प्रयोग गरेर ल्याउन खोजेको सुरक्षा खर्च बढाउने विधेयकलाई उनकै पार्टीका सांसदहरुले समेत अस्वीकार गरेका छन् ।

राष्ट्रपति ट्रम्पको कार्यकाल सकिनै लागेका बेला भिटो अधिकारलाई पहिलो पटक संसदले अस्वीकृत गरेको हो ।

यसअघि आठ वटा विधेयक भिटो प्रयोग गरेर कानून बनाएका ट्रम्पको सुरक्षा सम्बन्धी विधेयक भने संसदको तल्लो सदनले अस्वीकृत गरेको हो ।

राष्ट्रपतिले भिटो अधिकार प्रयोग गरेर ल्याएका विधेयकहरु दुई तिहाइ बहुमतले पारित गर्नुपर्ने कानुनी व्यवस्था छ । संसदको यो कदमले सुरक्षा प्रणाली कमजोर बनाउने ट्रम्पले टिप्पणी गरेका छन् ।