काठमाडौँ– कृषि, सहकारी तथा प्राकृतिक स्रोत समितिले हिमचितुवा संरक्षणका लागि वन्यजन्तु संरक्षण क्षेत्रमा काम गर्ने निकायहरुसँग छलफल गरेको छ ।

समितिको विहिबार बसेको बैठकले हिउचितुवा संरक्षण गर्न विभिन्न निकायहरुसँग छलफल गरेको हो । छलफलमा विश्व प्रकृति संरक्षण कोषको नेपाल प्रतिनिधि डा.घनश्याम गुरुङले हिउचितुवा संरक्षण गर्न कञ्चनजंघा संरक्षण क्षेत्रमा स्थानीयका घरपालुवा जनावरको बीमा गर्नुपर्ने बताए ।

उनले व्यवस्थापनमा ध्यान दिए हिमचितुवको संरक्षण हुने बताउँदै स्थानीयले पाउनुपर्ने क्षेतिपूर्ति र राहतबारे सम्बन्धित निकायले ध्यान दिए संरक्षणमा सहयोग पुग्ने जिकिर गरे ।

कार्यक्रममा हिमचितुवा संरक्षण कसरी गर्न सकिन्छ भन्ने विषयमा अध्ययन तथा प्रस्तुति शेरेन श्रेष्ठले प्रस्तुत गरेका थिए ।