काठमाडौँ- फिफा विश्श्वकप-२०२२ को युरोपेली छनौट अन्तर्गत बुधबार राति भएको खेलमा जर्मनी पराजित भएको छ ।
समूह जे मा रहेको जर्मनी उत्तरी मेसेडोनियासँग २–१ ले पराजित भएको हो ।
जर्मनीलाई उसकै मैदानमा हराउने क्रममा उत्तरी मेसेडोनियाका पान्डेवले पहिलो हाफको इन्जुरी समयमा पहिलो गोल गरे ।
दोस्रो हाफको ६३औँ मिनेटमा घरेलु टोली जर्मनीका लागि इल्काइ गुण्डोगानले पेनाल्टीमा गोल गर्दै खेलमा फर्किने प्रयास गरे ।
तर, खेलको८५औँ मिनेटमा एल्मासले गोल गर्दै मेसेडोनियाको जित सुनिश्चित गरे ।
पराजयसँगै जर्मनी ३ खेलबाट ६ अंकसहित तेस्रो स्थानमा छ । समान ६ अंकसहित उत्तरी मेसेडोनिया दोस्रो स्थानमा रहेको छ ।
प्रतिक्रिया