झापा– झापाको कचनकवल १ मा सोमबार बिहान भएको आगलागीबाट एक वृद्धको मृत्यु भएको छ ।
बिहानको करिव १ बजे तिर कचनकबल गाउँपालिका वडा नं. १ घेराबारीका गोबर्धन राजबंशीको घरमा अचानक आगलागी भएको हो ।
आगलागीमा परी घर धनी करिव ६० वर्षीय गोबर्धन राजबंशीको घटनास्थलमानै मृत्यु भएको जिल्ला प्रहरी कार्यालय झापाले जनाएको छ ।
आगोलागीबाट काठको खम्बा टिनको बेरा र टिनको छानो भएको १ तले घरसहित भान्सा घर र अर्को कच्ची घरसमेत जलेर नष्ट भएको प्रहरी प्रवक्ता प्रहरी नायव उपरीक्षक राकेश थापाले जानकारी दिएका छन् ।
आगोलागीमा परी १ माउ गाई, २ वटा बाछा र ३ वटा बाख्रासमेत मरेका छन् ।
प्रतिक्रिया