गुल्मी– गुल्मीको रुरु क्षेत्र गाउँपालिका ५ आटीपाटामा पहिरोले एक घर बगाएको छ ।
पहिरोमा परी घरमा रहेका ४ जना पुरिएको आशंकासहित स्थानीयबासी उद्धारकार्यमा जुटेका छन् ।
अहिले घटनास्थलमा वडाअध्यक्ष हरि ज्ञवाली र इलाका प्रहरी कार्यालय रिडी तथा प्रहरी चौकी श्रिंगाको टोली घटनास्थल जाँदै छ ।
घटनास्थल टाहाटिमभन्दा तलको पाखो क्षेत्र हो । बाटो विस्तारका क्रममा पहिरोको जोखिम बढेको यो क्षेत्रमा साँझ पहिरो गएको जानकारी आएको वडाध्यक्ष ज्ञवालीले बताए ।
रातिको समय र घटनास्थल पुग्ने बाटो पनि कठिन भएकाले घटनास्थल पुग्न कठिन भइरहेको उनले बताए ।
घटनाको विस्तृत विवरण आउन बाँकी छ ।
प्रतिक्रिया