काठमाडौं – स्पेनिस महारथि क्लब बार्सिलोनाका कप्तान लियोनल मेस्सीको पछिल्लो निर्णयले विश्वलाई तरंगित पारेका छन् ।

सोमबार उनले क्लबले खेलाडीहरुको ७० प्रतिशत लतब काट्ने निर्णय सार्वजनिक गरेका थिए । उक्त अभिव्यक्तिपछि मेस्सी क्लबको डाइरेक्टरभन्दा माथि रहेको झल्को दिएको भन्दै उनको चर्चा भइरहेको छ ।

मेस्सीले कोरोना भाइरसका कारण क्लबलाई आर्थिक संकट पर्न गएको उल्लेख गर्दै खेलाडीको ७० प्रतिशत तलब काट्ने निर्णय सुनाएका थिए ।

यसैबीच फ्रान्सको एल इक्युप दैनिक पत्रिकाले मेस्सीलाई बार्सिलोनाको च्वे गोभेराका रुपमा दर्शाएको छ । उसले फ्रन्टपेजमा मेस्सीको च्वे जस्तो देखिने गरिआवरण तस्वीर समेत बनाएर प्रस्तुत गरेको छ ।

क्युवाका क्रान्तीकारी योद्धा च्वेको रुपमा मेस्सीलाई परिचय गराएको छ ।

मंगलबारको भागमा उक्त समाचारको हेडलाइन रहेको छ, ‘लियोनल मेस्सी, दी च्वे अफ बार्सा ।’ मेस्सी क्लब नेतृत्वभन्दा माथि रहेर काम गरिरहेको समेत दाबी गरेको छ ।