चैत १९ गते बुधबार चैते दशैं । चैत १२ गतेबाट शुरु भएको चैते दशैको यस अवधीमा दुर्गा भवानीको आराधना हुँदै आएको छ ।
विश्वभर कोरोनाको संक्रमण फैलिएका कारणले र नेपालमा समेत कोरोनाको जोखिम उच्च रहेकाले देश लकडाउनमा छ ।
त्यसैले यस पटकको चैते दशैं उल्लासम हुन सकेको छैन । तथापी चैतको दशैंको समेत विशेष महत्व छ ।
चैतको दशैंको अवधीमा व्रत बस्ने वा दुर्गा भवानीको उपासना गर्नेहरुमा मनोबाञ्छित फल तथा दैवीय कृपा प्राप्त हुने धार्मीक विश्वास छ ।
साथै यस दुर्गा पुजनका कालमा ब्रतालुले केहि नियमहरु पालना गर्नुपर्ने हुन्छ । अन्यथा दुर्गा भवानीको पूजापाठका क्रममा भएका जानअन्जानका गल्तीका कारण आफैमा हानि पनि हुनसक्छ ।
१. पूजाको दौरानमा पूजा स्थल वा बासस्थान आसपासमा फोहोर हुनुहुदैन ।
२. ब्रतकर्ताले भूलेर पनि फोहोर वा नुहाउनुअघि लगाउको लुगा लगाउनु हुदैन ।
३. चैते दशैंका दिन ननुहाई दुर्गा भवानीको उपासना गर्नुहुदैन ।
४. विष्णु पुराणका अनुसार, नवरात्र व्रतका अवधीमा दिउँसो सुत्नु हुदैन ।
५. ब्रतालुसहित घरका अन्य सदस्यले अष्टमीको दिन अघि माछामासु, अण्डा तथा मदिरा सेवन गर्नुहुदैन ।
६. फलाहार गर्दा घुमेर खानु हुदैन । फलाहार ग्रहण गर्दा हमेशा एकै स्थानमा बस्नु पर्दछ ।
७. दुर्गा चालीसा, मन्त्र वा सप्तशती पाठ गरिरहनु भएको छ भने अरुसंग बोल्नु हुदैन ।
८. यस अवधीमा दारी, नङ वा कपाल काट्नु हुदैन ।
९. यस अवधीमा ब्रतालुले ब्रह्मचर्यको पालना गर्नु पर्दछ ।
१०. व्रत बस्दा दशैंको दिन अर्थात अष्टमीसम्म यि सबै नियमको पालना गर्नुपर्दछ ।
प्रतिक्रिया