काठमाडौँ– पछिल्लो समय प्रधानमन्त्री केपी शर्मा ओलीको सामाजिक सञ्जाल क्रेज बढेको छ । फेसबुक र ट्वीटर चलाउने ओलीले अर्को विश्वभर लोकप्रिय बनेको मोवाइल एप टिकटकको पनि एकाउन्ट खोलेका छन्।
पछिल्लो समय विश्वभर लोकप्रिय बनेको भिडियो सेयरिङ एप टिकटकमा आइतबार प्रधानमन्त्रीको एकाउन्ट खोलिएको हो।
आइतबार बनाइएको उनको टिकटक एकाउन्ट भेरिफाइड भएको छ । प्रधानमन्त्रीका प्रेस सल्लाहकार सूर्य थापाले प्रविधि विज्ञहरुसँग अकाउन्ट खोल्नेबारे छलफल भए पनि खोलेको जानकारी नभएको बताए। उनले यसबारे आफूलाई धेरै थाहा नभएको भन्दै प्राविधिक सल्लाहकारहरुलाई थाहा हुनुपर्ने बताए ।
प्रधानमन्त्री ओलीको टिकटक एकाउन्टमा अहिले एउटा मात्रै भिडियो हालिएको छ।
‘मालपोत, विद्युत् महसुल, भन्सार महसुल, आन्तरिक राजश्व, सवारी चालक अनुपति पत्र र नवीकरण जस्ता नागरिकसँग प्रत्यक्ष जोडिएका सेवालाई एकीकृत सेवामा जोड्ने प्रक्रिया सुरु भएको छ। सरकारले राष्ट्रिय परिचयपत्रलाई सेवा प्रवाहको मूख्य आधार बनाउने गरी काम अघि बढाएको छ’, पहिलो टिकटक भिडियो सन्देशमा भनिएको छ।
एउटा मात्रै भिडियो अपलोड गरिए पनि फलोअर्सहरु एकै दिन बढेका छन्। उक्त भिडियो एक लाखले हेरिसकेका छन् भने १ सय ५२ कमेन्ट र ७ हजार बढी लाइक गरेका छन्। यसलाई एक सय बढीले सेयर पनि गरेका छन्।
भारत र अमेरिकामा टिकटकमाथि प्रतिबन्ध लागिरहेका बेला नेपालमा प्रधानमन्त्रीले नै एकाउन्ट खोलेर भिडियो सेयर गर्न थालेका हुन्।
@kpsharmaoli_officialWe are working on service integration #digitalnepal
प्रतिक्रिया