एजेन्सी- वेस्टइण्डिजका क्रिकेटर क्रिस गेलले टी-२० क्रिकेटमा एक हजार छक्का प्रहार गर्दै कीर्तिमानी कायम गरेका छन् ।

इन्डियन प्रिमियर लिग आईपीएलमा किंग्स इलाभेन पञ्जावबाट खेलिरहेका गेलले आज राजस्थान रोयल्सविरुद्ध सात वटा छक्का प्रहार गरेपछि टी २० मा एक हजार छक्का प्रहार गर्ने कीर्तिमान बनाएका हुन् ।

उनले १००० छक्का प्रहारको कीर्तिमानी कायम गरे पनि आजको खेलमा ९९ रन बनाउँदै आउट भए । शतक प्रहारको पर्खाइमा रहेका उनी आउट भएपछि मैदानमै ब्याट फालेर आक्रोशित मुद्रामा देखिएका थिए ।

उनले आज ६३ बलमा ९९ रन बनाएका हुन् । जसमा ८ छक्का तथा ६ चाैका प्रहार गरे । उनलाई जाेफ्रा आर्चरले बाेल्ड आउट गरेका थिए ।

यस्तै पञ्जावबाटै खेलेका निकोलस पुरनले पनि टी २० क्रिकेटमा २०० छक्का प्रहार गरेका छन् ।