नुवाकोट- लकडाउनको अन्त्य भएसँगै राजधानी काठमाडौंसहित देशभरका शहरहरूमा चहलपहल बढेको छ ।
चहलपहल बढेसँगै कोरोनाको जोखिम बढ्दा थप सचेत रहन सरकारले आग्रह गरेको छ । लकडाउन अन्त्य भएपनि कोरोना संक्रमणको जोखिम झन बढ्न थालेपछि प्रहरीले सचेतना जगाउने अभियान नै थालेको छ ।
नुवाकोटमा कोरोना संमणबाट बच्न र बचाउन प्रहरीले ‘मास्कको प्रयोग अनिवार्य गरौँ’ भन्ने नाराका साथ अभियान नै चलाएको छ ।
बिहीबार विदुर–४ मा जिल्ला प्रहरी कार्यालय नुवाकोटले र्याली नै सञ्चालन गरेको छ । यो अभियानअन्तर्गत मास्क लगाउन अनुरोध गर्दै सार्वजनिकस्थलमा हिँड्डुल गर्दा नलगाए कारबाहीस्वरुप प्रहरीले १०० जरिवाना तिराउँदै आएको छ ।
प्रतिक्रिया