काठमाडौं – इङ्ग्ल्यान्डका अलराउण्डर वेन स्टोकले वेष्ट इन्डिजविरुद्धको टेस्ट सिरीजमा कप्तानी पाउनु सम्मानको कुरा भएको बताएका छन् ।

अहिलेसम्म कप्तान बन्नेबारे नसोचेको बताएका स्टोकले टोलीको नेतृत्व पाउँनु ‘ठूलो सम्मान’ भएको बताएका छन् ।

नियमित कप्तान जोय रुट आफ्नो दोस्रो सन्तानको जन्मपछि केही समय टोली बाहिर रहने भएपछि उपकप्तान स्टोकले कप्तानी पाउने सम्भावना बलियो रहेको छ ।

नोबेल कोरोना भाइरस (कोभिड १९) को महामारीको जोखिमकाबीच  सुरू हुन लागेको इङ्ग्ल्यान्ड – वेष्ट इन्डिज सिरीजमा रुट सहभागी नभए आफू कप्तानका लागि तयार रहेको स्टोकले बताएका छन् । तर, पनि उनी बोर्डको निर्णय कुरी रहेका छन् ।

इङ्ग्ल्यान्ड र वेष्ट इन्डिजले तीन खेलको सिरीज खेल्ने तय भएको छ ।

‘अहिलेसम्म यसबारे मैले सोचेको छैन,’ स्टोकलाई उदृत गर्दै आईसीसीले लेखेको छ,‘अहिले मेरो लागि सिरीजको तयारी गर्नु महत्वपूर्ण कुरा हो । हामी पहिलो टेस्टलाई दुई वा तीन दिनसम्म लैजाने योजनामा छौं ।’

टिमका सबै सदस्य खेलाडीहरुबाट आइडिया लिएर मैदानमा उपस्थित हुने योजना रहेको उपकप्तान स्टोकले बताएका छन् ।

कप्तानको जिम्मेवारीमा रहँदा पनि खेलमा कुनै असर नपर्ने स्टोकले बताएका छन् । ‘म सधै एउटा उदाहरण सेट गर्न चहान्छु प्रतिवद्धता पूरा गर्न,’ स्टोकले थपे, ‘यदि मैले टोलीको नेतृत्व गर्नु परे खेलमा कुनै असर गर्ने छैन ।’

टेस्ट सिरीज जुलाई ८ बाट १२ सम्म रोज बल क्रिकेट मैदानमा सुरू हुँदैछ ।