मुम्बई – बलिउड अभिनेत्री क्याटरीना कैफ र निर्देशक अली अब्बास जफरले निरन्तर फिल्ममा काम गरिरहेका छन् । यी दुईले एकसाथ मेरे ब्रदरके दुल्हन, टाइगर जिन्दा है र भारत जस्ता फिल्ममा काम गरिसकेका छन् ।
खबर आएको छ कि, अब नयाँ फिल्ममा पनि अली अब्बास जफरले फेरि क्याटरीना कैफलाई लिएर फिल्म बनाउँदैछन् ।
भारतीय मिडियाका अनुसार उक्त फिल्म सुपरहिरोमा आधारित हुनेछ । क्याटरीना फिल्ममा शीर्ष भूमिकामा देखिनेछिन् । क्याटरीनाले नै सुपरहिरोको भूमिका निभाउनेछिन् ।
यो फिल्ममा क्याटरीनालाई फरक भूमिकामा दर्शकले देख्न पाउनेछन् । परिस्थिति सामान्य बनेपछि फिल्मको काम शुरु हुने जनाइएको छ ।
प्रतिक्रिया