काठमाडौं – नोबेल कोरोना भाइरस (कोभिड १९) ले विश्वभर महामारीको रुपमा फैलिएको छ ।

यसले विश्वका ठूलादेखि साना राष्ट्रका खेलकुद गतिविधि ठप्प रहेका छन् ।

युरोपमा कोरोना भाइरस संक्रमणको सबै भन्दा धरै प्रभाब परेको छ ।

तर, युरोपको एउटा देशमा चाहिँ खेलकुद प्रतियोगिता भइरहेका छन् ।

त्यो अरु कुनै देश होइन, बेलारुस हो । त्यहाँ खेलकुद गतिविधिमात्रै होइन सबै काम सामान्य झै चलिरहेको छ ।

अझ पछिल्लो केही दिन यता त अन्तर्राष्ट्रिय सञ्चार माध्यमहरुले पनि बेलारुसमा भइरहेका खेल गतिविधिको चर्चा गर्न थालेका छन् ।

युरोपका अधिकाशं खेल गतिविधि अहिले अनिश्चित कालका लागि स्थगित भएका छन् ।

तर, बेलारुसी प्रिमियर लिग भने आफ्नो गतिमा चलिरहेको छ । यसको चर्चा नेपालका फुटबल प्रेमीमाझ पनि हुन थालेको छ । अन्य समयमा विरलै सुनिने प्रतियोगिता हो यो ।

तर, सबै खेल बन्द हुँदा खेल प्रेमीहरुका लागि समय कटाउने माध्य पनि बनेको छ । 

बेलारुसको  राजधानीमा शनिबारमात्रै ६ वटा खेल भए । जसमा ३ हजारभन्दा बढी प्रत्यक्ष सहभागी भएको समाचारहरुमा भनिएको छ ।

एफसी मिस्के र डाइनामो मिस्केबीचको डर्बी खेल डाइनामोले ३–२ गोल अन्तरले जितेको थियो । 

बेलारुसमा कोरोनाको संक्रमण नभेटिएको होइन । तर, त्यहाँ सय भन्दा कममा संक्रमण रहेको छ ।

तर, पनि त्यहाँको सरकारले कुनै पनि कुरामा प्रतिवबन्ध लगाएको छैन ।