काठमाडौँ– नेकपाको प्रचण्ड माधव समूहको प्रदर्शन आज काठमाडौँमा जारी छ ।

अहिले प्रदर्शनमा सहभागीलाई शीर्ष नेताले सम्बोधन गर्ने क्रम जारी छ ।

कार्यक्रम सञ्चालन गर्दै नेता योगेश भट्टराईले अब केही दिनपछि बागमती प्रदेशकी मुख्यमन्त्री भन्दै नेतृ अष्टलक्ष्मी शाक्यलाई सम्बोधन गरे पछि उनको मुहारमा खुसी देखियो ।

पार्टी भित्रको विवाद बढेपछि बागमती प्रदेशका मुख्यमन्त्री डोरमणि पौडेलविरुद्ध अविश्वासको प्रस्ताव दर्ता गरिएको छ भने मुख्यमन्त्रीमा शाक्यको नाम प्रस्ताव गरिएको छ ।

नेतृ शाक्यले कार्यक्रममा सम्बोधन गर्दै जनताले दिएको मतको सम्मान गर्न आफूहरु लागि परेको बताएकी छन् ।

तर, प्रधानमन्त्री केपी शर्मा ओलीले जनमतको अबमुल्यन गरेको आरोप लगाइन ।