काठमाडौँ– ला लिगाको साविक विजेता रियल मड्रिड अल्भाससँग पराजित भएको छ ।

शनिबार राति भएको खेलमा रियल अल्भाससँग २–१ गोल अन्तरले पराजित भएको हो । योसँगै रियलको यो तेस्रो हार व्येहोरेको छ । यो सिजनमा रियलले राम्रो सुरुवात गर्न सकेको छैन् ।

रियलविरुद्ध अल्भासका लागि खेलको ५ औं मिनेटमा लुकास परेजले गोल गर्दै टीमलाई अग्रता दिलाएका थिए भने दोस्रो गोल खेलको दोस्रो हाफमा जोसेलुले गर्दै अल्भासलाई २–० गोलको अग्रता दिलाएबका थिए ।

रियलकालागि भने कासिमेरोले गरेको ८६ औं मिनेटमा गोल मात्रै भयो । दोस्रो गोल थप्न नसक्दा रियल पराजित हुन पुग्यो ।

रियलले यो सिजनमा अहिलेसम्म खेलेका १० खेलमा जम्मा पाँच खेल जितेको छ भने २ खेल बराबरी खेल्दा ३ खेलमा हार व्येहोरेको छ । जसमा रियल १७ अंकसहित पाँचौं स्थानमा छ । अल्भास भने १३ अंकसहित नवौं स्थानमा छ ।