काठमाडौं- ललितपुरको पाटन अस्पतालमा २ जना कोरोना संक्रमितको मृत्यु भएको छ ।

जिल्ला स्वास्थ्य कार्यालय ललितपुरका अनुसार पाटन अस्पतालमा उपचाररत काठमाडौंकी एक महिला र भक्तपुरका एक पुरुषको मृत्यु भएको हो ।

मृत्यु भएकी कोरोना संक्रमित काठमाडौंकी ५१ वर्षकी महिल हुन् भने भक्तपुरको ६२ वर्षका पुरुष हुन् ।

मृत्यु भएका मध्ये काठमाडौंकी महिलाको शुक्रबार राति १० बजेर ४० मिनेटमा मृत्यु भएको थियो । यस्तै भक्तपुरका पुरुषको शनिबार बिहान ६ बजेर ४० मिनेटमा मृत्यु भएको जिल्ला स्वास्थ्य कार्यालय ललितपुरले जनाएको छ ।

यस्तै पोखरा स्वास्थ्य विज्ञान प्रतिष्ठानमा पनि एकजना कोरोना संक्रमतिको मृत्यु भएको छ ।

पोखरा स्वास्थ्य विज्ञान प्रतिष्ठानले एक विज्ञप्ती मार्फत शनिबार बिहान ११ बजे पोखरा महानगरपालिका– १४ का ५८ वर्षका एक पुरुषको मृत्यु भएको जनाएको हो ।

ती पुरुष भदौ ८ गते स्वाब संकलन गरी परीक्षण गर्दा भदौ १० गते कोरोना पोजेटिभ आएको प्रतिष्ठानले जनाएको छ । उनको भदौ १० गतेदेखि आइसीयुमा उपचार भइरहेको र शनिबार बिहान मृत्यु भएको प्रतिष्ठानले जनाएको छ ।