चितवन- बीपी कोइराला मेमोरियल क्यान्सर अस्पताल भरतपुरको अध्यक्षमा डा निर्मल लामिछाने नियुक्त भएका छन् ।
मन्त्रिपरिषद्को यही माघ १३ गतेको बैठकले लामिछाने अध्यक्षमा नियुक्त गरेको हो । डा लामिछाने वरिष्ठ मूत्ररोग विशेषज्ञका रुपमा क्यान्सर अस्पताल भरतपुरमै कार्यरत छन् । उनले अस्पतालका उपनिर्देशक भएर काम गर्दै आएका थिए ।
विसं २०७५ असोज ३ गतेदेखि अस्पतालको अध्यक्ष पद रिक्त थियो । तत्कालीन अध्यक्ष प्रकाशराज न्यौपानेको कार्यकाल सकिएसँगै अस्पताल नेतृत्व विहीन भएको थियो ।
यसअघि भरतपुर महानगरपालिका प्रमुख रेनु दाहालले अस्पताल सञ्चालक समितिको अध्यक्षता गर्दै आएकी थिइन् ।
प्रतिक्रिया