भक्तपुर – महानगरीय प्रहरी वृत्त ठिमीको टोलीले मङ्गलबार बसमा पाकेट मारेर भाग्दै गरेका तीन पाकेटमारलाई ११ हजार रुपैयाँसहित पक्राउ गरेको छ ।

पक्राउ पर्नेमा धनकुटा सागुरीगढी गाउँपालिका–७ का २० वर्षीय नवीन राई, सिन्धुली घ्याङलेक गाउँपालिका–६ का २६ वर्षीय राजिव गोले र मकवानपुर इपाचोक गाउँपालिका–८ का २० वर्षीय रुविन कठायत रहेका छन् ।

उनिहरु ललितपुरका विभिन्न स्थानमा बसेर पाकेट मार्न संलग्न रहँदै आएका थिए ।  मध्यपुर ठिमी नगरपालिका – ९ राधेराधेमा काठमाडौँबाट दुवाकोटतर्फ जाँदै गरेको सार्वजनिक बसमा यात्रा गरिरहेकी एक महिलाको ब्यागबाट पाकेट मारी भाग्दै गर्दा उनिहरु पक्राउ परेका हुन ।

उनिहरु मङ्गलबार नै चोरी तथा डाँकासम्बन्धी कसुरमा म्याद थप गरी मुद्दा चलाएर थप अनुसन्धान गरिरहेको जानकारी दिएको छ ।