विराटनगर- पछिल्लो २४ घण्टामा प्रदेश १ मा ५५६ जना कोरोना सङ्क्रमित थपिएका छन् ।
यसअघि मंगलबार ४३ सङ्क्रमित थपिएका थिए भने हिजै विभिन्न स्थानबाट ७२० जना उपचार भएर घर फर्किएका थिए ।
पछिल्लो २४ घण्टामा सङक्रमित हुनेमा मोरङमा २४२ मध्ये विराटनगरमा १७१, सुनसरीमा १९९, झापामा ७७, उदयपुरमा छ, धनकुटामा पाँच, सङ्खुवासभामा चार, खोटाङ र तेह्रथुममा तीन-तीन र प्रदेश बाहिरका १७ जनामा रहेको सामाजिक विकास मन्त्रालयले जनाएको छ ।
प्रदेश १ मा कोरोना सङ्क्रमितको सङ्ख्या १८ हजार २५० पुगेको छ भने अहिलेसम्ममा १० हजार १३८ जना निको भएर घर फर्किएका छन् ।
आजै मात्र ६९५ जना डिस्चार्ज भएको मन्त्रालयले जनाएको छ ।
प्रतिक्रिया