हङकङ – हङकङका प्रजातन्त्र समर्थिक अधिकारकर्मीहरुले स्वतन्त्र विधानसभाको आह्वान गरेका छन् । गत वर्षको जुनमा तियानमेन स्क्वायरमा गरेको प्रदर्शनमा सहभागी भएको भन्दै चीन सरकारले उनीहरुविरुद्ध मुद्दा चलाउनुअघि उनीहरुले स्वतन्त्र विधान सभाको माग गरेका हुन् ।

हङकङ सरकारले सन् २०१९ जुन ४ मा गैरकानुनी रुपमा तियानमेन स्क्वायरमा भेला भएको भन्दै १३ जनाविरुद्ध मुद्दा चलाएको छ । उनीहरु सन् १९८९ को हिंसात्मक झडपमा मारिएकाहरुको सम्झनामा तियानमेन स्क‍्वायरमा भेला भएका थिए ।

उक्त समूहमा नागरिक समूहको प्रतिनिधित्व गर्ने ली चेउक-यान र बेइजिङका कट्टर आलोचक भनेर चिनिने एक अखबार स्थापना गर्ने जिम्मी लाइ पनि सामेल थिए । गत मंगलबारसम्म हङकङ सरकारले उक्त ठाउँमा भेला भएका २६ जनालाई नियन्त्रणमा लिइसकेको छ ।

लीले विधानसभाको स्वतन्त्रता नागरिकहरूलाई दिने कानुनी अधिकार भएकोमा जोड दिएका थिए । नागरिकमाथिको राजनीतिक उत्पीडनलाई अक्षम्य र लाजमर्दो भएकोसमेत उनले बताएका छन् । उनले आफूहरुलाई अकारण कारबाही गर्न लागेको र आफ्ना साथीहरु निर्दोष भएको बताएका छन् ।

लीको समूहले टियानानमेन स्क्वायर हरेक वर्ष स्मृति सभाको आयोजना गर्ने गरेको थियो । तर, यस वर्ष भने प्रहरीले त्यहाँ भेला हुन प्रतिबन्ध लगाउनका साथै भेला भएकाहरुलाई नियन्त्रणमा लिएको छ ।

हङकङ सरकारले भेलाहरुलाई सीमित गर्ने काम जारी राखेको छ र हङकङका लागि चीनको राष्ट्रिय सुरक्षा कानुन जुनको अन्तिमदेखि लागु भएयता चीन र हङकङ सरकारविरुद्ध हुने विरोध गतिविधिहरुमा कडा नगरानी राखेको छ ।