काठमाडौं – स्पेनिस महारति बार्सिलोनाका अध्यक्ष जोसेफ मारियो बर्तमोउले कप्तान लियोनल मेस्सीलाई क्लबमा राख्न आफु पद छाड्न तयार रहेको बताएका छन् । बिहीबार बेलुका अध्यक्ष बर्तमोउले मेस्सीलाई क्लबमा राख्न आफुले राजीनामा दिने बताएका छन् ।

गएको मंगलबार कप्तान मेस्सीले एक्कासी अध्यक्ष बर्तमोउलाई क्लब छाड्ने योजनासहित पत्र काटेपछि मेस्सीले बार्सिलोना छाड्ने चर्चा चलेको हो ।

मेस्सी क्लब र पदाधिकारीहरुको कार्यशैलालाई असन्तुष्ट भएको बताइन्छ । त्यसैमाथि अगस्टको मध्यमा भएको च्याम्पियन्स लिगको क्वाटरफाइलमा व्येहोरेको लज्जास्पद हारले पनि उनी क्लबमा बस्न नचाहेको बताइन्छ ।

मेस्सीले बार्सिलोना छाड्ने भनेपछि प्रिमियर लिग क्लब म्यान्चेस्टर युनाइटेड, फ्रान्सेली च्याम्पियन पेरिस सेन्ट जर्मन (पीएसजी) र इटालीयन क्लब इन्टर मिलानले आफसी प्रतिस्पर्धा गरिरहेका छन् ।

तर, अहिलेसम्म कुनै निर्णय भइसकेको छैन् । पछिल्लो समय अध्यक्ष आफै राजीनामा दिन तयार भएपछि अहिले बार्सिलोना मेस्सीलाई जुनसुकै अवस्थामा पनि राख्ने देखिएको छ ।