काठमाडौं- नेपालमा कोरोना भाइरस संक्रमितको संख्या एक हजार नाघेको छ । स्वास्थ्य तथा जनसंख्या मन्त्रालयले पत्रकार सम्मेलन गर्दै नेपालमा कोरोना संक्रमितको संख्या एक हजार नाघेको जानकारी दिएको हो ।

आजमात्र थपमात्र १५६ जनामा संक्रमण पुष्टि भएको छ ।

स्वास्थ्य मन्त्रालयका प्रवक्ता डाक्टर विकास देवकोटाका अनुसार नेपालमा थप १ सय ५६ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या एक हजार ४२ पुगेको छ ।

संक्रमितमध्ये ५ जनाको मृत्यु भएको छ भने १९० जना निको भएर घर फर्किएका छन् ।

प्रवक्ता डा देवकोटाका अनुसार सुर्खेतका १३ जना रहेका छन् । उनीहरु २ वर्ष र ५ वर्षका बालिका देखि ११ देखि ३७ वर्षका पुरुष र २२ देखि ३९ वर्षका ४ जना महिला रहेका छन् । यस्तै एकजना बोल्न नसक्ने महिला पनि संक्रमित छन् ।

यस्तै दैलेखका ८ जना रहेका छन् । उनीहरु मध्ये एकजना २० वर्षीया महिला र १७ देखि ४० वर्ष उमेर समूहका ७ जना पुरुष छन् ।

यस्तै प्रादेशिक अस्पतालको प्रयोगशाला गण्डकीमा गरिएको परीक्षणमा ३ जनामा पोजेटिभ आएको छ । उनीहरु स्याङ्जाका हुन् ।

यस्तै सेती प्रादेशिक अस्पतालमा थप ३ जनामा पोजेटि देखिएको छ । उनीहरु दार्चुलाका एकजना, र कैलालीका २ जना छन् ।

यस्तै किटजन्य प्रयोगशालामा गरिएको परीक्षणमा मकवानपुर हेटौंडाका एकजनामा संक्रमण पुष्टि भएको छ । उनी ५० वर्षीया पुरुष हुन् ।

यस्तै भेरी अस्तालको प्रयोगशालममा ४ जनामा कोरोना पोजेटिभ आएको छ । उनीहरु बर्दियाका ३ जना र बाँकेका एकजना रहेका छन् ।

यस्तै धुलिखेल अस्पतालको प्रयोगशालमा १७ जनामा पोजेटिभ आएको छ । उनीहरु सबै रौतहटका छन् । उनीहरु ८ वर्षका बालक देखि ४० वर्षसम्ममा पुरुष छन् ।

प्रवक्ता डा देवकोटाका अनुसार नेपालमा संक्रमितको जम्मा संख्या एक हजार ४२ पुगेको छ । जसमध्ये पुरुष ९४० र महिला १०२ जना छन् । ती मध्ये १८७ जना निको भएका छन् । ५ जनाको मृत्यु भएको छ । यो सँगै नेपालका ५१ जिल्लामा कोरोना संक्रमण पुष्टि भएको छ ।