काठमाडौं- कर्णाली प्रदेशमा थप १५ जनामा कोरोना संक्रमण पुष्टि भएको छ । कर्णाली प्रदेश सामाजिक विकास मन्त्रालयले बुधबार राति थप १५ जनामा कोरोना संक्रमण पुष्टि भएको जानकारी दिएको हो ।

कर्णाली प्रदेशमा थप १५ जनासहित कोरोना संक्रमितहरुको संख्या ३८ पुगेको छ । पशुपन्छी रोग अन्वेषण प्रयोगशाला सुर्खेतमा गरिएको परीक्षण अनुसार थप १५ जनामा कोरोना पुष्टि भएको विज्ञप्तिमार्फत जानकारी दिइएको हो ।

जसअनुसार सुर्खेतको वीरेन्द्रनगर नगरपािलकाका १० जना,  सुर्खेतकै चौकुने गाउँपालिकाका ३ जना, बझाङका १ जना र बोल्न नसक्ने तथा उमेर नखुलेकी  एक महिला गरी १५ जनामा कोरोना पुष्टि भएको सामाजिक विकास मन्त्रालयले जनाएको छ ।

कर्णाली प्रदेशले १५ जना थपिएको विषयमा स्वास्थ मन्त्रालयलाई जानकारी गराएको भए पनि मन्त्रालयले अद्यावधिक विवरण सार्वजनिक गरेको छैन ।

स्वास्थ्य मन्त्रालयले बुधबार सार्वजनिक गरेको विवरण अनुसार नेपालमा कोरोना संक्रमितको संख्या ८८२ पुगेको छ ।

यस्तो छ विज्ञप्ति