एजेन्सी– इङ्ग्ल्यान्डका अलराउण्डर वेन स्टोक्सले सिरिज जित्नुभन्दा पनि बुबा अस्पतालबाट डिस्चार्ज हुनु आफ्ना लागि महत्वपूर्ण रहेको बताएका छन् ।

इङ्ग्ल्यान्डले सोमबार बेलुका दक्षिण अफ्रिकासँगको टेस्ट रिसिज जितेको थियो । स्टोक्सका पिता जेड स्टोक्स डिसेम्बर ३३ देखि अस्पतालको आईसियुमा भर्ना भएका थिए । जोहानेसबर्गस्थित अस्पतालमा उनका बुबा उपचाररत रहँदा इङ्ग्ल्यान्डले जोहान्सबर्गमै भएको सिरिज ३–१ ले जितेको थियो ।

६४ वर्षीया स्टोक्स खेलको अन्तिम दिन नै अस्पतालबाट घर फर्किएका छन् ।

‘बुबा खेल सकिएकै दिन घर फर्किनु भएको छ,’ म्यान अफ दि सिरिज भएका स्टोक्सले भने,‘आजको दिन टिमका लागि निकै महत्वपूर्ण थियो । त्योसँगै पछिल्लो दिनहरुमा परिवारमा पनि खुसीको खबर छाएको छ ।’

स्टोक्सले आफ्ना पिताले अस्पतालमा रहँदा पनि खुसीका साथ क्रिकेट हेरेको बताएका छन् । स्टोक्सले भने, ‘मैले टेस्ट खेल्नु अघि बुुबालाई यो टिममा म पनि छु भन्दा उहाँले पक्कै पनि भन्दै अनुहारमा मुस्कान देखाउनु भएको थियो ।’